Герой фільма – званар Сцяпан Ярманюк з вёскі Дарапеевічы Маларыцкага раёна Брэсцкай вобласці. Званіць пачаў з дзяцінства, у 10 гадоў. Разам з храмам, а царква Свята-Ражаства Багародзіцы з’яўляецца адным з нешматлікіх помнікаў драўлянага дойлідства XVII стагоддзя, перажыў няпростыя часіны. Царква зачынялася ў час вайны, у атэістычныя 60-я гады. Адрадзілася да жыцця ў 1988 годзе. Сцяпан Ільіч звоніць і сёння, у свае 80 гадоў, працягваючы традыцыі мяцовага звона. Тонкі лірычны фільм дазваляе дакрануцца да жыцця чалавека, адданага свайму пакліканню.